• واعرين بلا رونالدو.. ريال مدريد يتلهم ذئاب روما (صور وفيديو)
  • دراسة: النوم أقل من 7 ساعات يتسبب في حوادث السير
  • ضربو نحس إسبانيا.. رونالدو يتعرض للطرد في أول مباراة في دوري أبطال أوروبا (صور وفيديو)
  • للمرة الثالثة.. المخرج العالمي جيمس غراي رئيسا للجنة تحكيم مهرجان مراكش
  • لفائدة اليتامى وذوي الاحتياجات الخاصة.. توزيع محافظ مدرسية في الداخلة
عاجل
الثلاثاء 22 مايو 2018 على الساعة 22:30

المحرزي العلوي.. الشاب الذي أوصل علم المغرب إلى الفضاء!

المحرزي العلوي.. الشاب الذي أوصل علم المغرب إلى الفضاء!

محمد المبارك

إنه واحد من أذكى مستعملي الأنترنت المغاربة. المهندس والمخترع ومصمم التطبيقات مروان المحرزي العلوي، واحد من أكثر الحسابات الفايسبوكية اللي كيستفد الإنسان منو، وكل مرة عندو معلومات جديدة، وكيشرح علوم ومفاهيم صعبة بطريقة مبسطة، يتابعه أزيد من 300 ألف متابع على الفايس بوك، ويتفاعل معه الآلاف.

مروان المحرزي، المقيم حاليا في الولايات المتحدة الأمريكية، ولد في الرشيدية، سنة 1986، وشد البكالوريا في 2004 تخصص علوم رياضية، والتحق بالأقسام التحضيرية شعبة رياضيات وفيزياء، ومن بعد كمل قرايتو فالمدرسة الوطنية للصناعة المعدنية شعبة الإعلاميات، ليصبح مهندس دولة وحقق الحلم ديالو اللي كان باغي يوصل ليه من الصغر، ومن بعد خدم فشي شركات أجنبية.

ولأن شخصية مروان وقدرته الإبداعية فوق من أنها تكون تحت مؤسسة، خرج دار العمل ديالو بوحدو.

على خلاف العديد من المؤثرين، مروان دخل لعالم الشهرة وهو صغير، حيث في سنة 2000، شافوه المغاربة في القناة الأولى، اللي استقبلاتو كتلميذ متوفق في الدراسة وجايب أعلى معدل في السنة الثالثة إعدادي، وفديك الوقت قاليهم باللي الحلم ديالو يرجع مهندس إعلاميات، بحكم الحب ديالو للحاسوب واللي كتجمع بيناتهم علاقة طويلة منين كان فالسادس فاش كان عندو “سيبير” في الرشيدية!

بالنسبة لمروان، مايمكنش نهضرو على وقتاش دخل للفايس بوك، لأن واضح أنه كان من الأوائل، خاصة يلا عرفنا أنه في المرحلة الإعدادية كان عندو موقع خاص على الأنترنت، وفي المرحلة الثانوية كان “هاكر” لحساب شركات أجنبية!!!

في سنة 2012 دار تطبيق سميتو “سيبلا ماروك” اللي بيه كتعرف شكون اتصل بيك، ودار زوبعة وحقق رقم قياسي في عدد التحميلات اللي وصلات لـ100 ألف في أسبوعين فقط، ولكن تمنع من قبل شركة الاتصالات وهددوه بالمتابعة القضائية.

في سنة 2013، مرض مروان و دخل في أزمة صحية، ومع كان عندو وقت فراغ كبير، أسس موقع “sybla TV” الشهير في الوطن العربي، وتينقل المباريات بالمجان، واللي واصل دابا لأكثر من 2 مليون مستعمل، وتما غادي يبداو رواد مواقع التواصل الاجتماعي يتعرفو على هاد النابغة.

وفي السنة الموالية، غادي يدير موقع “carte.ma”، الأول من نوعه في التجوال الافتراضي، بخدمة ثلاثية الأبعاد للزائر، اللي بيه تقدر تزور العديد من المدن في الدول العربية وأنت جالس فدارك، ودار إشهار وصل للعالمية، حيث أرسل دمية تحمل العلم المغربي إلى الفضاء، ووثق هاد الشي بالفيديو، هاد العمل خلا شركات أجنبية كبيرة تعرض عليه شراكة.

وفي إطار الدعابة والسخرية، مروان دار بعض الأنشطة على يوتيوب، في القناة الخاصة ديالو اللي عندو من 2007، ولكن بدات النشاط ديالها فـ2015 بسلسة ساخرة سماها “المؤامرة”، واللي عجبات الناس ودازت في قناة مغربية، وبعد منها دار سلسة أخرى بعنوان “التاريخ اللي ما قرواناش”، هاد الشي خلّى القناة ديالو تفوت 100 ألف متابع وعدد مشاهدات يفوت 11 مليون مشاهدة.

أما في الفايس بوك، فمروان يرتدي عباءة المدون الساخر، ويتحدث عن الأحداث الكبرى، بطريقة مبسطة جدا وهزلية، وكيدير منشورات تتعلق بتبسيط العلوم، ومن أكثر المواقف المزيانة اللي كيدير، أنه فاش كيشوف شخص دار عمل مزيان، كينشرها عندو فالصفحة باش يدعمو، بحكم أنه يعتبر منبر فايسبوكي وحيز إشهاري مجاني.