• بعد الهدف الثاني.. “قبلة” محمد الناهيري وأشرف داري تثير السخرية على الفايس بوك
  • الإعجاز العلمي.. حبوب تُعلم اللغات!!!
  • مونديال الأندية.. العين يوجع الترجي بثلاثية ويلاقي ريفربلايت في نصف النهائي
  • فايس بوك تعترف: خلل برمجي تسبب في تسريب صور ملايين المستخدمين!
  • بالصور.. مغربية تزوّج بيها استرالي وبغات تصيفطو للحبس!!
عاجل
الخميس 17 مايو 2018 على الساعة 14:35

الكاميرا الخفية ناض عليها الصداع قبل ما تبدا.. مبدع مغربي يتهم رشيد العلالي بالسرقة!

الكاميرا الخفية ناض عليها الصداع قبل ما تبدا.. مبدع مغربي يتهم رشيد العلالي بالسرقة!

محمد المبارك

يبدو أن فقرة الكاميرا الخفية التي سيقدمها الإعلامي رشيد العلالي خلال شهر رمضان، بعنوان “كاميرا شو”، سيلاحقها الكثير من الجدل، وأصابع الاتهام. كيفاش؟

المغربي جمال الشعيري، المتخصص في الخدع السينمائية وفن المكياج، اتهم الإعلامي رشيد العلالي بسرقة فكرته حول الكاميرا الخفية.

وقال الشعيري لموقع “كيفاش” إن رشيد كان يتابع أعماله على الفايس بوك، وفي بداية سنة 2017 طلب منه أن يشتغل معه على فكرة كاميرا خفية بفن المكياج، وبعد مدة طويلة من الإعداد، رشيد العلالي أقصى الشعيري من العمل الفني واستبدله بسيدة أجنبية.

وقال الشعيري: “أنا عطيت الفكرة ديالي فـ2017، ومن ديك الساعة وأنا تنقاد معاه المادة، وهو قالي واش غدي تحمل مسؤولية ديال القناع باش نديرو كاميرا خفية، وأنا قبلت، لأنني محترف وأنا فالمجال من 20 سنة تنخدم في إسبانيا”.

وأضاف: “بعد التفاهم، داني عند شركة للإنتاج، وأنا خدمت معاه ‘بيلوط’ (حلقة نموذجية)، صاوبت القناع وخديت التقاسيم ديال وجهو راهم مزالين عندي، هما وفيديوهات والصور اللي تدل على كلامي، ومن بعد تدفع ‘بيلوط’ للقناة الثانية، وقالو ليهم عندنا فريق من خارج المغرب، والقناة الثانية قبلات المشروع، ومن بعد رشيد العلالي نكرني، فاش جيت شهر يناير للمغرب، قلب عليا وجهو وبلوكاني من الفايس وما بقاش تيجاوب”.

وفي نهاية حديثه، قال الشعيري: “هما منين دفعو العمل ديالي وتقبل، وشدو عليه الدعم، خاصني أنا اللي نخدم ديك 30 حلقة، ولكن هما مشاو جابو أجنبية، وعلى ما أعتقد دارو هاكا حيث طلعو القيمة المالية بزاف، وهاد الناس تيصغرو المبدعين المغاربة”.