• بحضور الأمير مولاي رشيد.. صومعة حسان وسط ملعب مولاي عبد الله في افتتاح الألعاب الإفريقية (صور)
  • قبل الدخول المدرسي.. انتحار أستاذ شنقا نواحي أزيلال
  • بمناسبة ذكرى ثورة الملك والشعب.. 262 مستفيدا من العفو الملكي
  • للاستثمار في بناء مستشفيات.. الدكالي يدعو أكبر الشركات الصينية لدخول السوق المغربية
  • الرخا وجودة الخدمات.. ارتفاع قياسي فعدد المغاربة اللي مصيفين فإسبانيا! 
عاجل
الأحد 18 فبراير 2018 على الساعة 23:15

من بعد ذيل الديناصور فالمكسيك.. تمثال شفشاوني في إيرلندا!

من بعد ذيل الديناصور فالمكسيك.. تمثال شفشاوني في إيرلندا!

طارق باشلام

من بعد قصة ذيل ديناصور مغربي تعرض فمزاد علني فالمكسيك، جا الدور على تمثال أسطوري من شفشاون تباع في إيرلندا. كيفاش؟
كتبدا القصة بسائح إرلندي مشى لشفشاون، واللي غير جا يدوز عطلة فالمغرب، وهو كيدور بان ليه واحد التمثال، شراه تقريبا بمبلغ ما كيفوتش 500 درهم.
البائع فهاديك الوقت غالبا غيكون فرحان ب”الهمزة”، حيت واحد آخر محال واش يعطي فيه حتى 10 دراهم. السيد الإيرلندي طلع عالم آثار، وكان عندو فقط شكوك حول القيمة الأثرية ديال ديك المنحوتة اللي شرا من شفشاون. السيد رجع بلادو إيرلندا، وتما كانت الصدمة والفرحة، غادي يكتشف باللي التمثال قديم بزااف وكيرجع التاريخ ديالو لأكثر من 25 ألف سنة وكيسوى ملايير الأورويات.
الموضوع كبر وقلبات فيه الصحافة الدولية، ومن بين المقالات اللي تنشرات حول التمثال الشاوني كان مقال لصحيفة إيرلندية اسمها “إيريش تايمز”، وكتبات باللي السائح، اللي هو واحد من مواطنيها الإرلنديين، شرا تمثال في أحد المتاجر المتخصصة لبيع التذكارات بحوالي 50 يورو، كان كيعتقد السائح الإيرلندي أنه تمثال كيرجع لإمبراطور صيني أسطوري، تقريبا قبل 15 قرن، ولكن المفاجأة ما كانتش فالتمثال فحد ذاتو وإنما فالمادة اللي تصنع منها، وهي نوع من أنواع القرون لوحدة من الثدييات المنقرضة قبل 25 ألف سنة وكتسمى ب”وحيد القرن ذو الفراء” كيرجع التاريخ ديالها للعصر الجليدي.
المهم نهاية القصة أن السائح الإيرلندي عرض التمثال على عدد من المختصين في المزادات العلنية وهو صراحة وخا ما عندو ثمن، قدروا قيمته بـ30 ألف يورو، يعني الإيرلندي باع هاد التمثال بأكثر من 300 ألف درهم، وتقرر البيع ديال فهاد شهر مارس الجاي، كتتقول الصحيفة الإرلندية.