• شبيبة البام مشات بعيد: إلغاء الفلسفة من امتحانات الباك يضاعف أزمات التفكير الفلسفي… من إعدام سقراط إلى نكبة ابن رشد!!
  • عاوتاني.. الغاز يقتل في مرتيل
  • وزارة التربية الوطنية: ما حيدنا لا فلسفة لا تربية إسلامية من امتحانات البكالوريا
  • تركيا.. المطالبة بالسجن 10 سنوات لسائق سيارة أجرة أطال رحلة زبونه!!
  • تازة.. نقل 87 تلميذا إلى المستشفى بعد استنشاقهم لغاز البوتان
عاجل
الثلاثاء 16 أكتوبر 2012 على الساعة 19:08

الله يبهدلكم!!

الله يبهدلكم!!

الفقيه بوصنطيحة
ونعم ممثلي الأمة. الملك دعاهم، قبل أيام قليلة، إلى وضع مدونة للسلوك، من أجل الرقي بالعمل البرلماني، فردوا على الدعوة بكثير من الصراخ، وما بقا ليهم غير التولويل والمناتفة، إلى درجة كتخلي الواحد يحشم يقول هادوك ممثلين ديال الشعب.

مالك كتدور فراسك؟ وا جلااااس؟ ماشي شغلك…. هذه عبارات، ومثلها كثير، مما شنف به أسماعنا السادة المستشارون في الغرفة الثانية في أول جلسة للغرفة الثانية برسم الدورة التشريعية الجديدة. إدريس الراضي، مستشار الاتحاد الدستوري، كان يتحدث بحال يلا مضارب مع شي واحد فالمارشي ديال الخضرا، وحتى المصطفى الرميد، مول العقل يا حسراه، قال ليه ما كتعرفش، وبدا كيشير بيديه بحال يلا كيقول ليه: وتا نوووووووض راني عايق بيك باراكا من القوالب. السي دعيدعة، الله يهديه حتى هو، ناض كيغوت: وجلاااااس، بحال يلا زعما كيتفرج فشي ماتش ديال البارصا فالقهوة وشي واحد درق عليه التلفزة.

آش هاد المستوى؟ آش هاد المهزلة؟ آش هاد الروينة؟ آش هاد التخربيق؟ واش هاد الناس هوما اللي يديرو التنزيل الديمقراطي للدستور؟ هادو كيديرو التنزيل الديمقراطي للعنة.

الغرفة الثانية، وفي ذلك لا تختلف عن الأولى إلا في التفاصيل، سوق حقيقي، لذلك أبدع من وصفها بـ”سوق الثلاث”، ووصف الأولى بـ”سوق الاثنين”. وصاحبنا المستشار البرلماني باسم البام الذي اكتشف الفايس بوك ليصف المغاربة بالشعب المعقد، ويهدد سيدة بأن يجرجرها في المحاكم (بالزعط عليه)، دليل آخر على أن هاد الغرفة خاصها تحايد كاع ماشي غير تجديد الثلث.

والله ما تستاهلو تشاو تشاو. بهدلتونا الله يبهدلكم.