• بعنوان “أوكي باي”.. الفنانة سهام أدراز تستعد لإطلاق أغنيتها الجديدة
  • بالفيديو من تارودانت.. حريق في مدخل المدينة
  • كلفت 27 مليون درهم.. 280 رادارا ذكيا لمراقبة السائقين المخالفين
  • قال إن “الجزائر واقفة ضد العصابة”.. الدراجي يساند الغاضبين من ترشح بوتفليقة
  • يهم أصحاب الباك.. وزارة التعليم تتّجه نحو إعادة النظر في نظام امتحانات الباكالوريا
عاجل
الإثنين 22 يناير 2018 على الساعة 17:06

بالصور والفيديو.. مغربي داير البوز في الهند!!

بالصور والفيديو.. مغربي داير البوز في الهند!!

محمد المبارك

“أحسن سنة في حياتي” عنوان فيديو لمغربي داير البوز في الهند من بعد ما دوز عام تما كلو مغامرات. كيفاش؟
يونس المشيش، من مواليد مدينة الدار البيضاء، قرر يسافر للهند، ويمارس الهواية ديالو اللي هي التصوير الفوتوغرافي والفيديوهات، وخذا معاه مبلغ بسيط قدره 100 دولار فقط، حيث كان معوّل يدوّز غير أيام قليلة ويرجع، ولكن فاش وصل للهند عجباتو الحياة تما وقرر أنه يبقى مدة أطول، وبدا كيخدم فاللي كان باش يقدر يدوز تما أطول فترة ممكنة.
من بعد سنة، عاش فيها مغامرات عديدة وزار أماكن مختلفة وخدم في أعمال تطوعية وكمدرب لركوب الأمواج وككومبارس في أحد الأفلام البولوودية، دار فيديو مدته 11 دقيقة، سماه “أحسن سنة في حياتي”، لخص فيه التجربة ديالو كاملة، باش يشجع الناس يديرو بحالو.
الفيديو دار البوز وتناقله العديد من مواطني الهند على مواقع التواصل الاجتماعي، وهضرات عليه مجموعة من الصحف الهندية والقنوات التلفزيونية.