• إلى الفلاحين.. هادي نصيحة من وزارة الفلاحة
  • صادرات المغرب.. ماطيشة والليمون مطلوبين فالخارج!
  • بمناسبة العطلة.. معلومات تهم المسافرين عبر القطار
  • بعد الأمطار الأخيرة.. وزارة الفلاحة تتوقع الصابة تكون زينة
  • وفاة رضيع في المستشفى الجهوي لبني ملال.. توضيحات مديرية الصحة
عاجل
الأربعاء 03 أكتوبر 2012 على الساعة 13:43

عزيز بودربالة لـ كيفاش: فمي ما غاديش ندير ليه السكوتش وغادي نرد على الزاكي

عزيز بودربالة لـ كيفاش: فمي ما غاديش ندير ليه السكوتش وغادي نرد على الزاكي

 

 

أجرى الحوار: محمد العطاري (الرباط)

 

السي عزيز، قلتي رأيك قبل إعلان اسم الناخب الجديد للأسود؟

نعم، كأي مواطن مغربي، أو كأي جوج صحاب جالسين في القهوة كيناقشو شكون اللي غادي يكون مدرب المنتخب الوطني الجديد بعد إقالة البلجيكي إيريك غريتس. أنا كنت كنشوف في رشيد الطاوسي من بين المرشحين الأربع هو ماشي الأفضل لكن الأنسب لهذه المرحلة، هو في قلب الحدث وفاز بثلاث ألقاب في هذا الموسم.

 

واش انت واثق بأن الطاوسي غادي يدير شي حاجة؟

علاش لا؟ أنا واثق ومن بين الناس اللي واثقين أن الطاوسي بإمكانو يدير شي حاجة، بإمكانو الفوز في مباراة الموزمبيق هاذ المباراة المعقدة، وفي حالة الفوز غادي تبان أهداف الطاوسي مع الأسود، وغادي تكون عندو رؤية شاملة للمستقبل رفقة المنتخب الوطني.

 

أجي واش عندك شي مشكل مع بادو الزاكي؟

أنا عبد ربه… أنا صراحة والله العظيم ما عندي شي مشكل معاه، وعلى كل حال غادي نوضح في المستقبل بعض النقط.

 

سمعتي حلقة “في قفص الاتهام” اللي داز فيها بادو الزاكي في ميدراديو؟

سمعتو وما عجبونيش شي حوايج قالها الزاكي، وحتى أنا غادي نجي للبرنامج وغادي نوضح للجمهور.