• أحسن لاعب واعد.. إطلاق اسم “مبابي” على ثور أرجنتيني
  • اختار الدوري السعودي.. مغاربة كاعيين على أمرابط
  • الصويرة.. سائق سيارة ضرب رجل وهرب
  • الأزمي مدافعا عن المعاشات: البرلمانيين ولاو جفّافات!
  • مضيان يدافع: تقاعد البرلمانيين ما شي ريع
عاجل
الأحد 14 يناير 2018 على الساعة 13:15

قصة مول الطاكسي.. لقا 48 مليون رجّعها لمولاها عطاه 200 درهم!!

قصة مول الطاكسي.. لقا 48 مليون رجّعها لمولاها عطاه 200 درهم!!

محمد المبارك

كاينين ناس اللي باغية الفلوس ولو ما تكونش دايرة عليها مجهود، تكبر كرشها على 20 درهم رشوة باش تقضي غرض اللي هو أصلا عمل ديالها، وفاش كنشوفو هاد الشي كنقولو راه الوقت اللي صعابت والناس ولات دير أي حاجة باش تشد الفلوس.
مول الطاكسي واحد من الناس اللي بقاو محافظين على القيم وما خلاش طمع ياكل ليه دماغو ورد الأمانة لمولاها. كيفاش؟
نهار السبت اللي فات (6 يناير) في فاس، كان عبد العالي الساقي، وهو سائق طاكسي في فاس، خدام وركب معه واحد من قدام قهوة “اكوارا” فطريق صفرو. وصلو للمحطة، ونسا عندو صاك وما ردش ليه البال، وملي سالا الخدمة وفتش الطاكسي ديالو، كما جرت العادة، لقى الصاك فيه 48 مليون نقدا وشيك بملبغ 52 مليون.
نهار الاثنين خدا الصاك لمكان تسجيل سائقي الأجرة التابعة للعمالة، وتما فين لقى مول الفلوس كيتسناه، عطى للسيد فلوسو قتنوا بالإجراءات القانونية، وكمكافآة عطاه مول صاك 200 درهم، وقاليه: “هادو بادي بيهم مشروع اللي هو علاش عوال، من بعد ويكون خير”.
العديد من رواد الفايس بوك انتقدوا قيمة هذه المكافأة، بل كاين اللي رد اللومة على مول طاكسي وقالو: “سرك انت اللي مرجعها ليه”.
كلام مول الطاكسي كان مختلف، حيث قال:”أنا متزوج وعندي 4 أبناء وكنعيش في منزل ديال الكراء، لقيت الأمانة ديال السيد وريدتها ليه، وهاديك فلوسو ومن حقو يعطي اللي بغا، نعم 200 درهم إهانة ولكن شغلو هاداك، أنا الإهم عندي أن ضميري مرتاح”.
ومنين سولوه شنو كتطلب دابا، كان رده: “أتمنى من المسؤولين يقادو الوضعية ديال السائق المهني، أتمنى نكون قدمت رسالة للسائقين الآخرين أن الأمانة مهما طلعات قيمتها كتبقى أمانة”.