• ما مقصّرش من جهدو.. الداودي قلبها ناطق باسم البيجيدي لاحتواء أزمة تصريحات ابن كيران
  • بأمر ملكي.. إحداث لجنة مشتركة بين وزارتي الداخلية والنقل للتحقيق في فاجعة قطار طنجة
  • 1700 سعودي طاحوا فالشبكة عام 2017.. تفاصيل حول عصابات مغربية تحترف الابتزاز الجنسي
  • تصفية حسابات بين تجار المخدرات.. المغاربة قلبوها قرطاس فهولندا
  • طنجة.. ليلة خمرية تنتهي بجريمة قتل
عاجل
الأحد 19 نوفمبر 2017 على الساعة 15:54

شاهدة على فاجعة الصويرة: شفت 12 مرا ميتة ووحدة لاحوها فوق السور وماتت… واللي كيفرق المساعدات كيطلع فوق المنصة ويبقى يصور!

شاهدة على فاجعة الصويرة: شفت 12 مرا ميتة ووحدة لاحوها فوق السور وماتت… واللي كيفرق المساعدات كيطلع فوق المنصة ويبقى يصور!

في شهادة لسيدة عاينت أحداث التدافع التي وقعت، صباح اليوم الأحد ( 19 نونبر)، في جماعة سيدي بلعلام في الصويرة، أكدت وفاة 12سيدة وإصابة أخريات.
وقالت المتحدثة، في تصريح لموقع “كيفاش”، “أمة ديال الناس كان تماك، والمخازنية كانوا كيضربو العيالات، وكانوا عيالات ميتين وعافطين عيلهم الناس”، مضيفة: “لقيت العيالات ميتين، كاين اللي خرج ليها الدم من نيفها وكاين اللي تبجغات والناس بزاف ماتو… أنا دازو قدام عينيا 12 مرا ميتة هزاتهم لومبيلونص ميتين، وخلاو لاخرين رجعو لقاوهم ميتين”.
وتابعت: “شفت مرا لاحوها من فوق الحيط وتهرست هزوها باش يحطوها فوق الباياص غوتات جوج غوتات ومات، وحطوها وبقاو كيهزو فاللي باقي فيه الروح باش يعتقوهم، وخلاو اللي ميتين تماك فالشمس”.
وقالت المتحدثة إن شخصا، يدعى عبد اللكبير الحديدي، هو من كان يوزع هذه المساعدات، “هو اللي جاب دوك الناس كيعطيهم الدقيق، 10 كيلو ديال الدقيق وقرعة ديال الزيت و5 كيلو ديال السكر وباكية ديال أتاي وشي كيلو ديال الروز، وكيهز كاميرتو ويطلع لواحد المنصة يصور والجوندارم ضايرين بيه، والعيالات كيقولو باللي كيصورنا ويمشي يطلب بينا فالسعودية”.