• وضع صحي وحقوقي وأمني مزري وفضائح جنسية.. مخيمات تندوف على فوهة بركان
  • بوعيدة لشبيبة الأحرار: الولاءات لا تصنع مناضلين بل منافقين والكذب لا يصنع إلا الجواسيس
  • الرباط.. العثماني يدعو إلى إشراك المواطن في محاربة الفساد
  • إيران.. داعش تسقط 29 قتيلا في هجوم على عرض عسكري
  • مصرع 207 أشخاص.. الملك يعزي الرئيس التنزاني بعد غرق عبارة
عاجل
الخميس 26 أكتوبر 2017 على الساعة 22:39

مغاربة عماتهم الهمزات ولقاو راسهم ضحايا للنصب.. الفايس بوك لا يحمي المغفلين! (صور)

مغاربة عماتهم الهمزات ولقاو راسهم ضحايا للنصب.. الفايس بوك لا يحمي المغفلين! (صور)
محمد المبارك
النصاب والمحتال كتسعمل العديد من الطرق باش ينصب على الضحية ديالو، وداك الشي يختلف حسب “ذكاء” الأول و”سذاجة” و”بلادة” الثاني.
الفايس بوك، ولأنه كيعطي الإمكانية للهويات المجهولة، ولات فيه هاد الظاهرة كثيرة.
موقع “كيفاش” تكلم مع العديد من الضحايا اللي حكاو حالات النصب اللي طاحوا فيها.
لاجئة وبنك إسلامي في إنجلترا…
أسامة واحد المرة توصل برسالة على الفايس بوك من طرف “فتاة يمنية الوريثة الوحيد لعائلة غنية”، ولكن بسبب الحرب ماتت عائلتها كاملة، والفلوس بقاو في بنك إسلامي في لندن ، والمبلغ هو 6.5 مليون دولار وخاص شي واحد ثقة اللي يهضر مع البنك ويشوف شنو هي الإجراءات اللي خاص تكون.
أسامة صدق هاد القصة وراسل البريد الإلكتروني اللي عطاتو على أساس أنه بنك في لندن. ومن بعد ربع ساعة، اتصل به رقم أجنبي وقال ليه باللي مدير البنك هو اللي كيهضر معاه وباللي بصح هاد المبلغ كاين ولكن خاصهم محامي باش يقدرو يسحبو المبلغ.
اسامة اتصل بالسيدة وقال ليها شنو كاين، وقالت ليه باللي كاين محامي إماراتي هو محامي العائلة وعطاتو الرقم وهو يتصل بيه، و هنا فين كاين النصب.
المحامي طلب ليه 1200 دولار باش يتكلف بالقضية، وأسامة صيفط ليه 300 دولار حتى يوجد المبلغ، وكان في انتظار يجمع المبلغ، لولا الأب ديالو اللي حبسو وقال ليه ياك ما شي خلية إرهابية هادي، حتى شاف الإعلان عاد فهم باللي كان ضحية قضية نصب من عصابة متكونة من 3 أشخاص.
ملابس بأثمنة خيالية…
محمد مغربي مقيم في الديار الفرنسية، كيقول باللي دخل لواحد الصفحة على الفايس بوك حاطة صور ديال ملابس وأحذية رياضية ديال ماركات عالمية، بعروض جيدة جدا. كيقول باللي لقى بذلة رياضية كاملة وحذاء رياضي وصاك، وهاد الشي كلو ب200 أورو. وللعلم، غير الحذاء كيدير 100 أورو.
محمد حاول يستغل الفرصة، وطلب بذلة مقاس M ماركة أديداس وحذاء رياضي مقاس 41 أديداس، وارسل لهم الفلوس عبر شركة للتحويل. بعد أسبوع توصل بالإرسالية ولقى بلي كلشي مغشوش. الماركة كانت أبيداس عوض أديداس، والبءلة مقاس L والحذاء 45.
فاش حاول يدعي المرسل لقى باللي الاسم ماشي صحيح وباللي البطاقة اللي رسلات ليه مزيفة.
الهجرة إلى كندا وعقود العمل…
هذا بروفيل كان مشهور بزاف فالفايس بوك، سيمتو “شموخ رجل”، نصب على عدد كبير من الناس.
كان يدعي باللي عندو معارف في الخليج وفي العديد من الدول، وكيضبر للناس على عقود عمل.
حسن كان واحد من الضحايا ديالو، وكان قال ليه باللي غادي يتوسط ليه باش يمشي لكندا. صيفط ليه العديد من الاستمارات اللي عمرهم، باش يزيد يأكد ليه باللي داك الشي صحيح. ومن بعد طلب منو 10.000 درهم باش يكمل تكاليف الملف.
حسن رسلها بنيتو، ومن بعد قال ليه باللي شد ليه موعد فمكتب في الدار البيضاء باش يكمل الإجراءات ووصاه يسول على واحد السيد تما. حسن شد الطريق من أكادير حتى للدار البيضاء ومشا للمكتب، وتفاجأ باللي داك الاسم اللي عطاه ما كاينش تما وباللي ما فراسهم حتى شي حاجة من هاد الشي اللي كيقول. فاش حاول يتصل ب”شموخ رجل” لقاه بلوكاه من الفايس!!
هادو فقط بعض قصص النصب لي كتوقع فالفايس، وما زال كاينين اللي خداو منتوجات تجميلية ولقاو عبوات فارغة، وكاين اللي صيفط الفلوس على قبل الخدمة، وكاين حتى اللي رسل الفلوس لأشخاص ادعوا أنهم مرضى بمرض خطير.