• بعدما راج أنها التقطت في تزنيت.. وزارة الداخلية توضح حقيقة صورة شخص يرضع ثدي كلبة!!
  • رئيس الوزراء الجزائري يتهم المغرب بإغراق بلاده بقوافل الحشيش.. ضربني وبكى سبقني وشكا! (فيديو)
  • لقاءات مهمة على هامش المغرب الدولي للسياحة.. لمياء بوطالب محرّكة (صور)
  • بالصور من الناظور.. أصحاب الطاكسيات يحتجون بسبب ارتفاع أسعار المحروقات
  • البرلمانية حنان رحاب والمحامي ابراهيم الراشدي.. نيران صديقة!
عاجل
الإثنين 17 أكتوبر 2016 على الساعة 14:58

المحلل نجيكم نيشان يكتب عن مشاركة بنعبد الله في الحكومة: قوّي الحرور!

المحلل نجيكم نيشان يكتب عن مشاركة بنعبد الله في الحكومة: قوّي الحرور!

المحلل نجيكم نيشان يكتب عن مشاركة بنعبد الله في الحكومة: قوّي الحرور!
بقلم: نجيكم نيشان
دابا السي نبيل بنعبد الله شحال ناوي ياخد من حقيبة فالحكومة الجديدة؟ الوضعية ما بقاتش بحال زمان، فالحكومة ديال 2012 حزب التقدم والاشتراكية كان عندو شي بركة محترمة ديال النواب فالغرفة الأولى (18)، ولكن من بعد تكرديعة 7 أكتوبر يالاه عندو 11 (مع احتساب الرسوم ديال اللائحة الوطنية)، يعني فرقة ديال الكرة بلا احتياط.
عبد الإله ابن كيران، اللي هو صاحب بنعبد الله، ومن بعد ما تّفقو على أنهم يقسمو الحلوة والمرة، غادي يلقى راسو فوضع صعيب، كيفاش يرضي صاحبو وفنفس الوقت ما يعطيهش أكثر من اللي يستاهل؟
ما تنساوش باللي التقدم والاشتراكية كان عندو 5 ديال الوزارات فالحكومة اللي دازت، يعني غادي يكون مكبّر كرشو حتى هاد المرة، غير هو الصواب بزاف غادي يدّينا للحيط. هادي راه حكومة ماشي وزيعة.
الحزب اللي عندو 11 نائب خاصو يالاه يدير شي مساندة نقدية ويرجع اللور، ماشي ضروري يشارك وياخذ الوزارات. هاد الشي يلا كان الهدف هو المصلحة ديال البلاد، أما يلا جينا للحساب، فخاصو وزير ولاّ وزير نص مع شوية ديال الفابور، بحال داك الشي ديال قوّي الحرور.