• بعدما راج أنها التقطت في تزنيت.. وزارة الداخلية توضح حقيقة صورة شخص يرضع ثدي كلبة!!
  • رئيس الوزراء الجزائري يتهم المغرب بإغراق بلاده بقوافل الحشيش.. ضربني وبكى سبقني وشكا! (فيديو)
  • لقاءات مهمة على هامش المغرب الدولي للسياحة.. لمياء بوطالب محرّكة (صور)
  • بالصور من الناظور.. أصحاب الطاكسيات يحتجون بسبب ارتفاع أسعار المحروقات
  • البرلمانية حنان رحاب والمحامي ابراهيم الراشدي.. نيران صديقة!
عاجل
الإثنين 17 أكتوبر 2016 على الساعة 12:58

المحلل “نجيكم نيشان” يكتب عن العنصر: غبر ليه الأثر فالانتخابات وبان مع المشاورات!!

المحلل “نجيكم نيشان” يكتب عن العنصر: غبر ليه الأثر فالانتخابات وبان مع المشاورات!!

العنصر بنكيران

بقلم: نجيكم نيشان
امحند العنصر، الأمين العام لحزب الحركة الشعبية، (يلا ما زال كتفكّروه) كيدير السياسية بالطريقة ديالو.
السيّد طبعا محطّم بزاف ديال الأرقام القياسية، آخرها أنه دّوز 3 ديال الوزارات فحكومة وحدة، وقبل على راسو يكون وزير الداخلية ومن بعد وزير التعمير ومن بعد وزير الشباب والرياضة، قبل ما يمشي رئيس ديال جهة فاس مكناس.
ما علينا، المهم السيد، اللي المفروض أنه كيسيّر حزب سياسي، ما بانش ليه الأثر من نهار الحزب ديالو قدّم البرنامج الانتخابي. من داك النهار ما بان ولا تكلّم، واخا كاع الأمناء العامون ديال الأحزاب خرجو فالحملة الانتخابية كيخطبو على عباد الله، إلا هو غبر “في دقة واحدة”.
الغريب أن العنصر ما غاديش يبان حتى بدات المشاورات لتشكيل الحكومة، وتلاقى مع عبد الإله ابن كيران.
السيد ما خاصو لا صداع لا بلاغات لا بيانات لا والو، المهم هو الحكومة، واللي نطوّلوه نقصروه.